ކުއްފާރުން މުސްލިމު ބިމެއްގެ އެންމެ ކައިވަތަކަށް ވެރިވި ކަމުގައި ވިޔަސް އެކައިވަތް ނިސްބަތްވާ މީސްތަކުންނާއި އޭގެ ކައިރީގައިވާ މީސްތަކުންގެ މައްޗަށް ޖިހާދުކުރުން ޢައިނިއްޔަ ފަރުޟަކަށް ވާނެއެވެ. އަދި އެބައިމީހުންނަށް އެބައިމީހުންގެ މާއްދީ ބަލިކަށިކަމުން ނުވަތަ އެބައިމީހުންގެ ފަރުވާކުޑަކަމުން، އަރައިގަތް ކުއްފާރުން ބޭރު ނުކުރެވިއްޖެ ނަމަ ޖިހާދު ކުރުމުގެ ފަރުޟުކަން އޭގެ ވަށައިގެންވާ މީސްތަކުންގެމައްޗަށް ފެތުރިގެންދާނެއެވެ. އަދި މިގޮތުގައި މިޢައިނިއްޔަ ފަރުޟު މުޅި ދުނިޔެއަށް ފެތުރިގެންދާނެއެވެ.

އަދި މިޙާލަތުގައި އަނބީން އެބައިމީހުންގެ ފިރީންގެ ގާތުން ހުއްދަ ހޯދުމަކަށް ބޭނުމެއް ނުވާނެއެވެ. އަދި ދަރިން މައިންބަފައިން ގާތުން ހުއްދަ ހޯދުމަކަށް ބޭނުމެއް ނުވާނެއެވެ. އަދި ދަރަނި ވެރިޔާ ދަރަނި ނެގި މީހާގެ ގާތުން ހޯދުމަކަށް ބޭނުމެއް ނުވާނެއެވެ.

1. މުސްލިމުންގެ ބިމެއްގެ ގޮތުގައި ކުރީގައި އޮތް އެއްވެސް ބިމެއްގެ ކައިވަތެއްގެ މިންވަރުވެސް ކުއްފާރުންގެ އަތުގައި އޮތްހާ ހިނދަކު ހުރިހާ މުސްލިމުންގެ ބޮލުގައި ފާފަ ވެރިކަން ވަނީ އެޅިފައެވެ.

2. އަދި މިފާފައިގެ މިންގަނޑު މީހާގެ ޤާބިލިއްޔަތާއި ބާރުގެ މިނުން ތަފާތު ވާނެއެވެ. ޢިލްމުވެރިންގެ ނުވަތަ ވެރީން ނުވަތަ މުޖްތަމަޢްތެރޭގައި މަޝްހޫރުވެފައިފާ ދާޢީން (އިސްލާމްދީނަށް ދަޢުވަތު ދޭ މީހުން)، އާދައިގެ ޢާންމު މުސްލިމުންނަށް ވުރެ ބޮޑަށް މިކަމުގައި ފާފަވެރިވާނެއެވެ.

3. މިއަދުގެ މިޖީލު އަފްޣާނިސްތާނަށާއި ފަލަސްޠީނަށާއި ފިލިޕީންސްއަށާއި ކަޝްމީރަށާއި ލުބުނާނަށާއި އެރިޓްރިޔާ އާއި ދިމާލަށް (ޖިހާދު ކުރުމަށްޓަކައި) ނުދާ ކަމަށްޓަކައި އެމީހުންގެ މައްޗަށްވާ ފާފަވެރިކަން، މުސްލިމުންގެ އަތުން ބީވެގޮސް ކުއްފާރުންގެ އަތަށް މާކުރިން ގޮސްފައިވާ މުސްލިމު ބިންތަކުގެ ސަބަބުން ވެފައިވާ ފާފަވެރިކަމަށް ވުރެ މާބޮޑުވެގެންވެއެވެ.

މިއަދު އަހަރެމެންގެ ހުރިހާ ވިސްނުމެއް ދޭންޖެހޭނީ އަފްޣާނިސްތާނަށާއި ފަލަސްޠީނަށެވެ. އެހެނީ އެއީ މިއަދު އަހަރެމެންގެ އެންމެ ފުރަތަމަ ވާޖިބެވެ. އަދި މީގެ އިތުރުން އަހަރެމެންގެ މައްޗަށް ވެރިވެގަނެފައިވާ ޢަދުއްވުންނަކީ ވަރަށްވެސް ހީލަތްތެރި ބައެކެވެ. އެގޮތުން އެމީހުން އެސަރަހައްދު ތަކުގައި އެމީހުންގެ ބާރު ގަދަކުރުމަށްޓަކައި އެތައް ކަންތައްތަކެއް ކުރެއެވެ. އަދި އަހަރެމެންނަށް މިއުނދަގޫ ޙާލު ޙައްލު ކުރެވިއްޖެ ނަމަ، ބޮޑު އުނދަގޫ އެތައް މައްސަލަތަކެއް ޙައްލުވެގެންދާނެއެވެ. އެތަންތަން ރައްކައުތެރި ކުރުމަކީ މުޅި ސަރަޙައްދު ރައްކައުތެރި ކުރުމެވެ.

މިއަދު ގިނަ މުސްލިމުންތަކެއް ޖިހާދު ކުރުމުންނާއި ޖިހާދުގެ ވާހަކަ ދެއްކުމުން އެއްކިބާވެ، ގިނަ ގުނަ ޢުޒުރުތައް ދައްކަނީ ހުޅަނގާއި ދެކުނުގައިވާ އެމީހުންގެ ވެރިން ރުއްސުމަށްޓަކައެވެ. އަދި އެވެރިންގެ ލަޢްނަތުން ސަލާމަތްވުމަށްޓަކައެވެ.

މިއަދު ބައެއް މުސްލިމުން މިފަދައިން ސުވާލުކޮށް ހަދައެވެ. "ޖިހާދުގެ މާނައަކީ ކޮބައި ހެއްޔެވެ؟ ﷲ އަހަރެމެންނަށް އަމުރުކުރެއްވީ ހަމައެކަނި ދަޢްވަތު ދިނުމަށެވެ. އެހެނީ ﷲ ވަޙީ ކުރައްވަނީ

ﷲ ތަޢާލާ މީސްތަކުންނަށް އިސްލާމްދީނަށް ގޮވާލުމުގައި ޙިކްމަތްތެރިކަމާއި މަޑުމައިތިރިކަމާއި އެކު ގޮވާލެއްވުމަށް ކުރެއްވި އަމުރުފުޅާއި ﷲ މަގުގައި ޖިހާދު ކުރުމަށް ﷲ ކުރެއްވި އަމުރުފުޅާއި ޚިލާފްވާ ކަމަށް މިފަދަ މީހުން ކުށްހީއަކުން ހީކުރެއެވެ. އެހެނެއްކަމަކު އެބައިމީހުންނަށް ނޭނގެނީ ނުވަތަ ނޭނގޭކަމަށް ހަދާ ހަޤީޤަތަކީ މިއާޔަތަކީ ދަޢްވަތު ފެތުރުމުގައިވާ ޝަރީޢަތުގައިވާ އުޞޫލުތަކާއި ބެހޭ އާޔަތެއްކަމެވެ. އަދި ޖިހާދު ކުރުމުގައި ޝަރީޢަތުގައިވާ އެކަމުގެ ޚާއްޞަ އުޞޫލުތަކާއި އެކަމުގެ ޚާއްޞަ އެތައް އާޔަތްތަކެއް ވާކަމެވެ.

އަދި ބައެއް މުސްލިމުން މިފަދައިން ވެސް ބުނެ އުޅެއެވެ. "ޖިހާދުކުރުމަކީ ހަމައެކަނި ނަފްސުގެ ދިފާޢުގައި ކުރާ ކަމެކެވެ އެހެންކަމުން ޖާހިލިއްޔާ އޭގެ މަޤާމުގައި ހަމަ އޮންނާނެއެވެ. އެހެނީ ޢަދުއްވުން އަހަރެމެންގެ ބިންތަކަށް ޙަމަލާ ނުދޭހާ ހިނދަކު އަހަރެމެން ޖިހާދެއް ނުކުރާނަމެވެ. އަދި އަހަރެމެން ގުޅިގެން އަމާންކަމާއި އެކު އުޅުނަ ދޭށެވެ." މިފަދަ މޮޔަ ވިސްނުން ވިސްނާ ޖާހިލުން އެމީހުންގެ ބުއްދިނެތް މިންވަރުން އެމީހުން ބޭނުންވަނީ ޖާހިލިއްޔަތާއި އިސްލާމްދީނާއި އެއްވަރު ކުރާށެވެ. އޭގެ ކޮންމެ ޙިއްޞާއަކަށް އޭގެ ޙައްޤުތައްދީގެން ﷲ ގެ ބިންތަކުގައި އެމީހުންގެ ބާރު ޤާއިމްކޮށް އެމީހުންގެ އަމިއްލަ ޤާނޫނުތައް އެއިލާހުގެ އަޅުންގެ ތެރެއިން ބައެއްގެ މައްޗަށް ތަންފީޛުކުރުމަށެވެ."

އަދި ބައެއް މީހުން ބުނާ ގޮތުން ޖިހާދު ކުރަން ޖެހޭނީ މުއްދަތެއް ނެތް ގޮތުގައި ފަސްކުރަންށެވެ. އަދި މިނުބައި ވިސްނުމަށް ބާރު ދިނުމުގެ ގޮތުން އެމީހުން ބުނަނީ ނަބީ (صلى الله عليه وسلم) އެކަލޭގެފާނު ދަޢްވަތު ފެއްޓެވީ ސިއްރިޔާތުގައި ކަމަށާއި އަދި އެއަށްފަހު އެދަޢްވަތު ފާޅުގައި ދެއްވަން ފެއްޓެވީ އެކަލޭގެފާނަށް ކުރިމަތިވެ ވަޑައިގަތް އެންމެހާ ހުރަސްތަކެއް ހުރި ހިނދުގައި ވެސް މެއެވެ. އަދި އެއަށްފަހު އެކަލޭފާނާއި އިސްވެ ހަނގުރާމަކުރެއްވި މީހުންނާއި އެކަލޭގެފާނު ހަނގުރާމަކުރެއްވިއެވެ. އަދި އާޚިރުގައި އެކަލޭގެފާނު އިސްވެވަޑައިގެން ކާފަރުންނާއި ހަނގުރާމަ ކުރެއްވިއެވެ. އެހެންކަމުން ނަބީ (صلى الله عليه وسلم) މިތަރުތީބުގެ ދަށުން އަހަރެމެންވެސް ނުދާންވީ ކީއްވެހެއްޔެވެ؟ އަހަރެމެން އަވަސްވެގަންނަންވީ ކީއްވެ ހެއްޔެވެ؟

ނަބީ (صلى الله عليه وسلم) މިހުރިހާ ކަމެއް ކުރެއްވީ ﷲ ތަޢާލާގެ ފުރިހަމަ އިރުޝާދުގެ ދަށުންކަން މިފަދައިން ބުނާ ތަންދޮރު ނުދަންނަ ޖާހިލު މީހާއަށް ނޭނގެނީ ހެއްޔެވެ؟ ނުވަތަ ނޭނގޭކަމަށް ހަދަނީ ހެއްޔެވެ؟ އަދި އެކަލޭގެފާނު ﷲ ގެ އިރުޝާދާއި އަމުރުފުޅުތަކަށް ކިޔަމަންވެ ވަޑައިނުގެންނެވި ނަމަ އެކަލޭގެފާނު ފާފަވެރިވީސްއެވެ. (އެކެލޭގެފާނު ވަނީ އެކަމުން ބަރީއަވެގެންނެވެ) ޖިހާދުގެ ޙުކުމްތައްވަނީ އޭގެ އެންމެ ފަހު މަރުޙަލާގައެވެ. އަދި އަހަރެމެން އެޙުކުމްތައް ދޫކޮށްލައި އެކަމަށް ޢަމަލު ނުކޮއްފިނަމަ އަހަރެމެން ފާފަވެރިވާނެ ކަން މިބައިމީހުންނަށް ހަމަ ނޭނގެނީ ހެއްޔެވެ؟ ނުވަތަ ނޭނގޭ ކަމަށް ހަދަނީ ހެއްޔެވެ؟

މިހުރިހާ ޢުޒުރުތަކާއި ބަހަނާތަކާއި މެދު ހައިރާންވާކަށް ނުޖެހެއެވެ. ހަޤީޤަތަކީ މިއީ ވަރަށްވެސް ނުރައްކައުތެރި ކަމެކެވެ. މިވާޖިބު އަދާކުރުމަށްޓަކައި އެމީހުން، އެމީހުންގެ ނަފްސު ވިއްކާލަން ޖެހެއެވެ. އަދި ﷲ އަށްޓަކައި އެމީހުންގެ އަނބިންނާއި ދަރީން ދޫކޮށްލަން ޖެހެއެވެ. މިދުނިޔެއަށް ލޯބިކުރުމުންނާއި މަރަށް ބިރުގަތުމުން އެބައިމީހުންގެ ހިތްތައް ފުރިގެންވާ ހިނދެއްގައި މިފަދަ ނިންމުންތައް ނިންމުމުގައި އެބައިމީހުން ފިނޑިއެއް ނުވާނެ ހެއްޔެވެ؟ ނަބީ (صلى الله عليه وسلم) ޙަޔާތްޕުޅުގައިވެސް ހަމަ މިފަދަ ޢުޒުރުތަކާއި ބަހަނާތަށް ވަނީ އައިސްފައެވެ. އޭގެ ތެރެއިން ބައެއް މީހުން ބުންޏެވެ. (އޭގެން މާނަ ކޮށްދެނީ)

އަދި އެހެން ބަޔަކު ބުންޏެވެ.

މިފަދަ ދޮގުވެރީންނާއި ފިނޑިން ނިކަމެތި ކޮށްލެއްވުމަށްޓަކައި ﷲ ތަޢާލާގެ މިފަދައިން ވަޙީކުރެއްވިއެވެ.

މުނާފިޤުންނާއި އެބައެއްގެ ހިތުގައި ބަލިމަޑުކަން އަށެގަނެފައިވާ މީހުންނަށް ޖިހާދު ވެގެންދާނީ އެބައިމީހުންނަށް މާބޮޑު އެއްޗެކަށެވެ. ﷲ ގެ މަގުގައި ޖިހާދުކުރުމަށް ނަފްރަތު ކުރާ މީހުންނަށް ޖިހާދުވެސް ނަފްރަތު ކުރާނެއެވެ. އެބައިމީހުން އެކަމުން ދުރުވެގަތް ފަދައިން އެކަންވެސް އެމީހުންގެ ކިބައިން ދުރުވެގަތެވެ. އެހެނެއްކަމަކު އެކަން ޚާއްޞަކޮށް ރައްކައުކުރެވިފައިވަނީ އެކަމަށްޓަކައި އެމީހުންގެ ނަފްސުތައް މިބިންމަތީގައި ﷲ އާއި ބައްދަލުކުރުމަށްޓަކައި އޮންނަ ދަހިވެތި ކަމުގެ ސަބަބުން ޤުރުބާން ކުރާ މީހުންނަށެވެ. އަދި ޖަންނަތަށް ދަހިވެތިވާ މީހުންނަށެވެ. ޖިހާދު ކުރުން ހަމައެކަނި އެބައެއްގެ ވިސްނުމުގައި ވާނެ ބަޔަކީ، ޖިހާދަކީ ﷲ އެމީހުންނަށް ފަރުޟުކުރައްވާފައި ކަމެއްކަން ދަންނަ މީހުންނަށެވެ. ޖިހާދު ކުރުންވަނީ އިސްލާމްދީނުގެ މަތިވެރި ފިޠްރަތުގައި ކޮންމެހެން ކުރަންޖެހޭ ކަމެއްގެ ގޮތުގައެވެ. ޖާހިލިއްޔަތުގެ މީހުންނަށްވާ ގޮންޖެހުމެއްގެ ގޮތުގައެވެ. ތާރީޚް އެކަމަކުން ފުރިގެންވާ ކަމެއްގެ ގޮތުގައެވެ.